Raporto de la ĜK-aro kaj KK 2019-2020

1 : El la statuto pri la funkcio de la ĜK

“La Ĝ.K.-aro helpas al P.K. per siaj informoj kaj konsiloj. Ĝi plie observas kaj kontrolas la agadon de la P.K. – Se la Ĝ.K.-aro rimarkas, ke tiu agado ne estas honesta kaj laŭstatuta, ĝi rajtas konigi siajn konstatojn al la tuta membraro per la presorgano. La Ĝ.K.-aro prezentas raporton antaŭ ĉiu Kongreso. Ĝi rajtas demandi al la P.K. pri ĉiuj aferoj kaj postuli respondon.”

2 : Membroj de la ĜK

Membroj de ĜK de la kategorio A (membroj por geografiaj sektoroj elektitaj per referendumo por la periodo 2018-2021)
– CHOI Man-Won (Dekmil) (Gŭangĵu)
– Amparado CISNERO ROVIRA (Ciego de Ávila)
– Nikolao GUDSKOV (Moskvo)
– Gary MICKLE (Berlino)
– MIYAZAWA Naoto (Sapporo, por SAT-rondo en Hokkajdo)

Membroj de ĜK de kategorio B (membroj de la Konfliktkomisiono elektitaj de Kongreso)
– Gary MICKLE (Berlino, sekretario)
– Paŭlino GABORIT (Anĝevo)
– José María SALGUERO, alinome Kani (Don Benito)

Membroj de ĜK de kategorio C (reprezentantoj de membraro el la urbo sidejo de la PK)
– vakas

Membroj de ĜK de kategorio Ĉ (reprezentantoj de LEA-oj konvencie ligitaj al SAT, proponitaj de la koncerna LEA)
– Karlo BOURLOT (Torino, por ILEA)
– Gary MICKLE (Berlino, por LEA/G)
– Inga JOHANSON (Gotenburgo, por SLEA)
– José María SALGUERO, alinome Kani (Don Benito, por SATeH)
– vakas por SATEB
– vakas por SAT-Amikaro
– vakas por SATeJ

Membroj de ĜK de kategorio D (membroj de fakoj funkciantaj ekster la sideja urbo)
– vakas por Eldona Fako Kooperativa
– vakas por Poresperanta Fako

3 : Aktiveco de la ĜK dum la periodo

La ĜK-anoj regule ricevis la protokolojn de la kunsidoj de la PK. Diversaj ĜK-anoj komentis punktojn el la diskutoj de la PK, donante sian opinion aŭ proponante aldonajn informojn. Temis interalie pri proponita okazigo de SAT-kongresoj en Moskvo kaj Osako, kaj pri la sekvoj, kiujn la pandemio havas por la planata kongreso en Bjalistoko. La komentoj el tiuj ĜK-diskutoj estis komunikitaj al la PK, kies protokoloj notis ilin.

4 : Konfliktkomisiono

Neniu plendo alvenis al la KK kaj neniu konflikto estis traktenda.

Gary Mickle
Sekretario de la Ĝenerala Konsilantaro de SAT